Dianderl, bist stolz

Dianderl, bist stolz oder kennst mi nit,
|: Oder san das deine Fenster nit? :|

I bin nit stolz, i kenn di schon:
|: Du hast an Rausch, i siach dirs an! :|

Han i an Rausch, das macht der Wein.
|: Dianderl, steh auf und laß mi ein! :|

I steh nit auf, laß di nit ein:
|: Du kinntst heit Nacht mei Unglück sein! :|

Wann i heit Nacht dei Unglück bin,
|: Bin i imstand und heirat di! :|

Bist du imstand und heiratst mi,
|: Bin i imstand und pfeif auf di! :|