die lustigen Hammerschmiedsgsölln

Mir san ja die lustigen Hammerschmiedsgsölln,
Hammerschmiedsgsölln, Hammerschmiedsgsölln,
Kömma dableibn, kömma furtgehn,
Kömma toan, was mer wölln,
Tuan, was mer wölln, wölln.

San ma schwarz, san ma weiß: was liegt denn daran,
So lang si a Hammerschmied abwaschen kann.

Blau Montag, blau Irta, das is uns all's oans,
Wann ma a Geld hab'n, tun ma an Rausch hab'n,
Wann ma an Rausch hab'n, hab'n ma koans.

Gebt 's Wein her, gebt 's Bier her, gebt 's Holderbeerschnaps,
Bei uns, da geht 's groß her, bei uns gibt 's nix knapps.

Was ist des für a lumpige Herbergswirtschaft,
Haun ma d' Stühl z'samm, haun ma d' Bänk z'sammm,
Haun ma all's z'samm mit Kraft.

Drum Hammerschmied, Hammerschmied, hammerts nur zua,
Und wenn ma genua g'hammert hab'n, gebn ma a Ruah!