Buerlala

A's Buerlala geburen wier,
Dunn wier he noch so lütt, so lütt.
A's Buerlala geburen wier,
Dunn wier he noch so lütt.
Sin Mudder nehm em woll up den Arm
Und läd em in de Weeg so warm:
|: "Deck mi tau", seggt he,
"Deck mi tau", seggt he,
"Deck mi tau", seggt Buerlala. :|

A's Buerlala nah de Schaul henkeem,
Dunn wier he noch so dumm, so dumm.
A's Buerlala nah de Schaul henkeem,
Dunn wier he noch so dumm.
He wüsst ok nich, wo ut, wo ans,
Verlat sick ganz up Hans un Franz:
|: "Segg mi tau", seggt he,
"Segg mi tau", seggt he,
"Segg mi tau", seggt Buerlala. :|

A's Buerlala ranwussen wier,
En'n staatschen Kierl he wier, he wier.
A's Buerlala ranwussen wier,
En'n staatschen Kierl he wier.
Dat Hoor wier kort von 'n Kopp afschoorn,
De Kragen güng em woll oewer de Ohrn:
|: "Steiht mi gaut", seggt he,
"Steiht mi gaut", seggt he,
"Steiht mi gaut", seggt Buerlala. :|

A's Buerlala nun storben wier,
Ganz musingstill he legg, he legg.
A's Buerlala nun storben wier,
Ganz musingstill he legg.
Sin Öllern stünnen woll an sin Graff
Un wischten sich de Tranen af:
|: "Weent ma nicht", seggt he,
"Weent ma nicht", seggt he,
"Weent ma nicht", seggt Buerlala. :|