so gwiss als seit Adam

So gwiss als seit Adam die Nesseln habn brennt,
Holla di ria di holla dijo,
So gwiss san die Dirndl falsch, bal ma 's recht kennt.
Holla di ria dijo.

Drei Wochen vor Ostern, da geht der Schnee weg,
Holla di ria di holla dijo,
Und da heirat mei Schatzerl und i hab an Dreck.
Holla di ria dijo.

Koa Schatz und koa Geld, koa Haus und koa Feld,
Holla di ria di holla dijo,
Und a Kerl als wie i, soll no lebn auf der Welt.
Holla di ria dijo.

Und Dirndl verlassn, tut sakrisch weh,
Holla di ria di holla dijo,
Schwimm'n d' Augerl im Wasser, wie d' Fischl im See.
Holla di ria dijo.

A bisserl a Lieb, und a bisserl a Treu,
Holla di ria di holla dijo,
Und a bisserl a Falschheit is allweil dabei.
Holla di ria dijo.