schau, schau, wia 's regnen tuat

Schau, schau, wia 's regnen tuat,
Aba schau, schau, wia 's giaßt,
|: Aba schau, schau, wia 's Wasser
Vom Dach aba schiaßt! :|

Grean san die Hollerstaudn,
Weiß san die Bliah, die Bliah,
|: Aba schen san die schwarzn Augn,
Aba treu san sie nia. :|

Da Himml is vulla Stern,
Aba Diandl, i hab d gern,
|: I hab koa Rast, i hab koa Ruah,
Mei oanzige Freid, die bist nur du. :|

Diandl, geh spreitz di nit,
Wann i dir a Busserl gib,
|: Deine Äugerl sulln freindli werdn,
Wann i dir sag, i hab di gern. :|