Pöllinger Wildererlied

Und iatz tua i, und iatz mach i,
Wia 's mei Vater oft gemacht,
|: Ja der hat si aus drei, vier Jager
Aber gar nix daraus gemacht. :|

Und iatz nimm i halt mei Stutzal,
Und geah auße in grean' Wald,
|: Und da schiaß i a zwoa, drei Hirschlan
Sein 's jung oder sein 's alt. :|

Und da schiaß i an Spielhahn,
Steck in Gamsbart aufi auf mein Huat,
|: Und den Jagerbuam, den mecht i kennan,
Der mir 's Schneidfederl aber nemman tuat. :|