siebn Berg und siebn Tal

Siebn Berg und siebn Tal und siebn Buam aufoamal.
Oan liab i, oan fopp i, oan heirat i amal.
Oana winkt ma mit 'n Äuglan, oana tritt ma auf 'n Fuaß,
|: Oana zupft mi bein Kidal, da Liabste schickt mar an Gruaß. :|
|: Tridulihoi tjoiri, :|
Tridulihoi tjoiri,
Tridulihoiri.

Was woanst denn, schens Dirndal, bein Weixlbam dort?
Ja, was sollt i net woana, mei Schatz is weit fort.
Du herzigschens Dirndal, derfst net a so woan,
|: Hast schwarzbrauni Äugal, kriagst glei wieda oan. :|
|: Tridulihoi tjoiri, :|
Tridulihoi tjoiri,
Tridulihoiri.

Hiatz han i drei Dirndal, was wird denn das wern?
Oane schen, oane reich, oane betat recht gern.
Die Scheni zan Liabm und die Reiche zan Zahln
|: Und die Betat für d' Seligkeit, frisch auf dar Alm. :|
|: Tridulihoi tjoiri, :|
Tridulihoi tjoiri,
Tridulihoiri.